«Тілге құрмет-елге құрмет»

          Жарқын жалпы орта білім беретін мектебінде 16 қыркүйек пен 23 қыркүйек аралығында «Тілдер шеруі» айлығы аясында «Тілге құрмет-елге құрмет»  атты апталық ұйымдастырылды.  Тілдер апталығы салтанатты лездемемен ашылды. Онда оқушылар үш тілде көрініс қойып, тіл туралы өлеңдер оқыды.
Апталық барысында жоспарға сай ана тілі күні, орыс тілі күні, ағылшын тілі күндері ұйымдастырылды. Ол күндері пән мұғалімдері танымдық сайыстар, караокеде ән шырқау, интеллектуалдық ойындар өткізді. Мектеп дәліздеріне үш тілде білімдерін дамыту мақсатында сөзжұмбақтар, ребустар қойылды. Апта бойы «Ана тілім , айбыным»  тақырыбында тәрбие сағаттары өткізілді. 
Апталықтың бір күнін Семей қаласындағы Абай мұражайына оқушыларды   саяхатқа апаруға арналды.
Апталық қорытындысы «Үш тілдің патшалығы» тақырыбындағы әдеби сазды кешпен жабылды. Қорытынды кеште үш тілде ән шырқалып,  көрініс қойылды. Апталыққа белсене қатысқан оқушылар марапатталды.