"Сабақты ұйымдастыру кезінде цифрлық платформаларды пайдалану ерекшеліктері" атты шебер-сынып

Жарқын жалпы орта білім беретін мектебінде 2022 жылдың 9 желтоқсанында магниттік мектептер арасында сыртқы қоғамдастық жұмысын жандандыру мақсатында тәжірибе алмасу семинары өтті. Семинарда химия және география пәндерінің мұғалімдері М.Н.Ережепова мен М. А. Каукенова "Сабақты ұйымдастыру кезінде цифрлық платформаларды пайдалану ерекшеліктері" атты шебер-сынып көрсетті. Пән мұғалімдері шебер-сыныпта өздері қолданып жүрген платформаларды әріптестерімен бөлісті.Сонымен қатар семинарда қазақ тілі мен әдебиеті пәнінің мұғалімдері Н.О.Шаянбаева мен Ж.С.Заманбекова "Тілдік дағдыларды дамытудың тиімді әдістері" атты шебер-сынып көрсетті. Пән мұғалімдері шебер-сыныпта тілдік төрт дағдыны игертуде өздері қолданып жүрген белсенді әдіс-тәсілдерді әріптестерімен бөлісті. Семинарға N13 мектеп, N42 мектеп, Шәкәрім атындағы N5мектептен әріптестер қатысты. Семинар соңында өздерінің шебер-сыныптан алған әсерлерін, ұсыныс, пікірлерін білдіріп, семинардың жоғары деңгейде өткенін айтты.