Приречный орта мектебімен біріккен «Оқушылардың сыбайлас жемқорлыққа қарсы мәдениетін қалыптастыру» тақырыбында аймақтық семинар болып өтті.

«Жарқын ЖОББМ» КММ 29 қараша күні, Приречный орта мектебімен біріккен «Оқушылардың сыбайлас жемқорлыққа қарсы мәдениетін қалыптастыру» тақырыбында аймақтық семинар болып өтті.
Мақсаты: 
  Қоғамның әр-түрлі орталарындағы сыбайлас жемқорлықтың алдын – алу, профилактикалық жұмыстарын насихаттау;  сыбайлас жемқорлыққа  қарсы күрес туралы заңдарды негізге ала отырып, құқықтық  мағлұмат беру,білімдерін дағдыландыру; саяси өмірден  хабардар жеке тұлғаны қалыптастыра отырып, шәкірттердің еркін сөйлеуіне, қоғамға деген өз ой - пікірлерімен санасуға жағдай жасау, ҚР-на адал қызмет етуге, Ата заңды құрметтеуге, адамгершілікке  тәрбиелеу. Семинарға жалпы білім беретін мектептердің директордың тәрбие ісі жөніндегі орынбасарлары және Семей қалалық білім бөлімінің бас маманы Файнуллаева Р.В, әдіскер Болатова М.Д және Павлодар қаласының «Адамның үйлесімді дамуы ұлттық институтының» тренері Жунусова Ә.Р қатысты. Семинар барысында қатысушылар оқушылардың «Адалдық сағатына» қатысып, мектептегі жұмыспен танысып,өзара тәжірибе алмасты.Приречный орта мектебінің «Адалдық алаңы» көрмесін және «Арт терапия» жұмысымен танысты.  Мектептің «Өлкетану» мұражайына, мектеп жылыжайына топсеруен жасады. Оқушылар шығармашылығымен танысты,  мектеп оушыларының өнерлерін тамашалады.  Семинар соңында рефлексия жасалып,жақсы пікір лебіздерін білдірді. #Біртұтас_тәрбие_Абай_облысы#Cемейбілімбөлімі
 #Ата-аналарды_педагогикалық_қолдау_орталығы_Абай_облысы