Оқушыларды тамақтандырудың сапасын бақылау

Оқушыларды тамақтандырудың сапасын бақылау бойынша бракераждық комиссия құрамы мен ата-аналар қауымы, қамқоршылық кеңес мүшелері мектептің асхана жұмысына тексеру жұмыстарын жүргізді. Ыстық тамақ талапқа сай, ас мәзірінің 1 аптасының дүйсенбі күнгі ас мәзіріне сәйкес берілді. Оқушылардың қол жууына, қол кептіруіне жағдай жасалынған.
Асханаға кіре берісте қол жууға арналған қол жуғыш раковина бар. Әрбір оқушы тамақтанар алдында қолдарын жууға дағдыланғандары байқалады.
Мектеп медбикесі таңертеңгі піскен тамақтың сынамасын алып, тексеріп, арнайы бракераж журналына жазып қойған. Мектеп асханасы 1ауысымда, 5 күндік жұмыс кестесімен жұмыс жасайды. Тегін тамақпен қамтамасыз етілген аз қамтылған, жағдайы төмен, аз қамтылған көпбалалы отбасындағы балалар саны -52. Сондай-ақ, оқушылардың ата-анасының ақшасына сатып алып ішулеріне жағдай жасалған. Оқушылардың арнайы тамақтану кестесі құрылған. Асханада жауапты мұғалімдер кезекшілік атқарады. Асханада 2адам жұмыс жасайды. Медициналық бақылаудан өткен, санитарлық кітапшалары реттелген, арнайы киімдермен қамтамасыз етілген.
Тексеру кезінде шикі тамақ сақтайтын бөлмелердің тазалықтары, азық-түліктердің сақталу мерзімінің дұрыстығы,сүт, май, ет тағамдарының тоңазытқышта сақталу жайы да тексерілді. Тексеру нәтижесі қанағаттанарлық деңгейде.